Monday, 4 February 2019

કરંટ અફેર્સ તા. ૦૪/૦૨/૨૦૧૯ | સ્પર્ધાત્મક પરીક્ષા માટે વિશેષ | Daily Current Affairs For Competitive Exams



દિન વિશેષ 

4 ફેબ્રુઆરી ભીમસેન જોશીનો જન્મ દિવસ 

➡જન્મ: 4 ફેબ્રુઆરી, 1922ના રોજ ભારતના કર્ણાટક રાજ્યના ગડગમાં થયો હતો.
➡હિંદુસ્તાની શાસ્ત્રીય સંગીત પરંપરાના તેઓ એક ભારતીય ગાયક હતા.
➡ 1998માં તેમને સંગીત નાટક અકાદમી અભિછાત્રવૃત્તિથી નવાજવામાં આવ્યા હતા, જે સંગીત નાટક અકાદમી દ્વારા અપાતું સર્વોચ્ચ સન્માન છે.
➡2008માં તેમને ભારતના સર્વોચ્ચ નાગરિક સન્માન ‘ભારતરત્ન’ વડે નવાજવામાં આવ્યા.
➡તેમણે એક કન્નડ-અંગ્રેજી શબ્દકોષ પણ લખ્યો હતો. 
➡ભીમસેન જોશી ભૈરવ અને ભીમપલાસી રાગ ગાઈ શકતા હતા.
➡ અવસાન: 24 જન્યુઆરી, 2011.

4 ફેબ્રુઆરીને શ્રીલંકા સ્વાતંત્ર્ય દિવસ તરીકે ઊજવે છે 
➡ 4 ફેબ્રુઆરી, 1948ના રોજ બ્રિટિશ શાસનમાંથી શ્રીલંકા સ્વતંત્ર થયું હતું.
➡ શ્રીલંકાને 1972 સુધી સિલોન તરીકે ઓળખવામાં આવતું હતું. 
➡ શ્રીલંકાનું સૌથી મોટું શહેર કોલંબો છે.
➡ શ્રીલંકાની રાજધાની : શ્રી જયવર્ધનાપુરા-કોટ્ટે 
➡ રાષ્ટ્રપતિ : મૈત્રીપાલા સિરીસેના 
➡ પ્રધાનમંત્રી : રાનિલ વિક્રમ સિંઘે 

ભારત 
દવા પર ભાવ દેખરેખ અને સંશોધન એકમ સ્થાપિત કરનાર કેરળ પહેલું રાજ્ય બન્યું 

➡ આ એકમ ઔષધિમૂલ્ય નિયંત્રણ હેઠળ DPCOની સ્થાપવામાં આવ્યું છે.
➡ DPCO : Drugs Price Control Order 
➡ જેના અધ્યક્ષ રાજયના સ્વાસ્થ્યસચિવ રહેશે.
➡ નૅશનલ ફાર્માસ્યુટિકલ પ્રાઇસિંગ ઓથોરિટીએ 5 વર્ષ પહેલાં કેન્દ્ર અને કેન્દ્રશાસિત પ્રદેશ માટે આ પ્રકારના એકમની સ્થાપના કરવા ભલામણ કરી હતી.

4 ફેબ્રુઆરીના રોજ રાષ્ટ્રીય સડક સુરક્ષા સપ્તાહની શરૂઆત કરવામાં આવી છે 
➡ જેમાં પ્રાઇવેટ સેક્ટરની કંપનીઓ રોડ પરની સલામતી વિશે લોકો અને વિદ્યાર્થીઓને માર્ગદર્શન આપશે.
➡ ગાંધીજીની 150મી જન્મજયંતી નિમિત્તે આ કાર્યક્રમનું આયોજન કરવામાં આવ્યું છે.
➡ 2019નું રાષ્ટ્રીય સડક સુરક્ષા સપ્તાહ 30મું છે.


નીતિ આયોગે 'ખાવા માટે જીવતા' સમુદાય માટે એક પેનલની શરૂઆત કરી છે 

➡ 'ખાવા માટે જીવતા' એટલે એવા લોકો કે જેમને ખાવા માટે અલગ અલગ જગ્યાએ ભમવું પડતું હોય. તેવા લોકો માટે નીતિ આયોગે એક પેનલની શરૂઆત કરી છે.
➡ NITI : National Institution for Transforming India 
➡ NITIની સ્થાપના :1 જાન્યુઆરી, 2015, 4 વર્ષ પહેલાં 
➡ NITIનું મુખ્ય મથક : દિલ્હી 
➡ 2015 પહેલાં NITI આયોગ આયોજન પંચ તરીકે ઓળખાતું હતું

વિશ્વ 
ઉત્તર મેસેડોનિયા NATOનો 30મો સભ્ય બન્યો 

➡ NATO : North Atlantic Treaty Organization 
➡ NATOની સ્થાપના : 4 એપ્રિલ, 1949. 
➡ NATOનું મુખ્ય મથક : બ્રસેલ્સ, બેલ્જિયમ 
➡ 6 ફેબ્રુઆરી, 2019ના રોજ બ્રુસલેસ ખાતે ઉત્તર મેસેડોનિયા નાટોના પ્રોટોકોલ પર હસ્તાક્ષર કરશે.
➡ NATOના સેક્રેટરી જનરલ જેન સ્ટોલ્ટેનબર્ગ છે.
➡ મેસેડોનિયા યુરોપ મહાદ્વીપમાં સ્થિત એક દેશ છે.
➡ મેસેડોનિયાની રાજધાની સ્કોપ્જે છે.

ખેલ જગત 
ન્યૂઝિલેન્ડમાં ભારતનો સૌથી મોટો શ્રેણી વિજય 

➡પાંચમી વન-ડેમાં ભારતીય ટીમે 35 રને વિજય મેળવ્યો છે.
➡ આ વિજય ભારતે ન્યૂઝિલેન્ડ સામે 4-1થી મેળવ્યો છે.
➡ જેમાં અંબાતી રાયડુ 90 રન બનાવી મેન ઑફ ધ મૅચ બન્યો.
➡ મોહંમદ શમી નવ વિકેટ ઝડપી મેન ઑફ ધ સિરિઝ બન્યો.
➡ આ પહેલાં ભારતે 2009માં ન્યૂઝિલેન્ડને તેની ધરતી પર પાંચ મૅચની સિરિઝમાં 3-1થી જીત મેળવી હતી.
➡ હાર્દિક પંડ્યાએ પાંચમી વખત ત્રણ બૉલમાં ત્રણ છગ્ગા ફટકાર્યા.


દરરોજ કરન્ટ અફેર્સ મેળવવા માટે વોટ્સએપ નંબર  8140411557 પર પોતાનું નામ અને શહેર લખી મોકલો.

Sunday, 3 February 2019

કરંટ અફેર્સ તા. ૦૩/૦૨/૨૦૧૯ | સ્પર્ધાત્મક પરીક્ષા માટે વિશેષ | Daily Current Affairs For Competitive Exams


કરન્ટ અફેર્સ તા. ૩/૦૨/૨૦૧૯
દિન વિશેષ 

3 ફેબ્રુઆરી કવિ ચંદ્રકાન્ત શેઠનો જન્મદિવસ
➡જન્મ :3 ફેબ્રુઆરી,1938.કાલોલ, પંચમહાલ.
➡ઉપનામ : આર્યપુત્ર, નંદ સામવેદી, બાલચંદ્ર, દક્ષ પ્રજાપતિ.
➡ગુજરાતી કવિ, વિવેચક, અનુવાદક, સંપાદક અને નિબંધકાર છે.
➡ ‘ઉમાશંકર જોશી’ ઉપર નિબંધ લખી પીએચ.ડી. થયા.
➡ચંદ્રકાન્ત શેઠની પ્રથમ રચના – ‘મૂંગા તે કેમ રહેવું ?’ હતું. તે કુમાર સામાયિકમાં પ્રકાશિત થઈ હતી.
➡ચંદ્રકાન્ત શેઠનું પ્રથમ પ્રકાશિત પુસ્તક – ‘પવન રૂપેરી’ કાવ્યસંગ્રહ.
➡કુમાર સુવર્ણ ચંદ્રક (1964).
➡કુમાર ચંદ્રક કુમાર ટ્રસ્ટ, અમદાવાદ દ્વારા ૧૯૪૪થી આપવામાં આવતો સાહિત્યનો પુરસ્કાર છે.
➡નર્મદ સુવર્ણ ચંદ્રક (1964).
➡રણજિતરામ સુવર્ણ ચંદ્રક (1985).
➡રણજિતરામ સુવર્ણ ચંદ્રક ૧૯મી સદીના પ્રખર સાહિત્યકાર રણજિતરામ મહેતા ની સ્મૃતિમાં એનાયત કરવામાં આવે છે.
➡પ્રથમ રણજિતરામ સુવર્ણ ચંદ્રક 1928 માં ઝવેરચંદ મેઘાણી ને આપવામાં આવ્યો હતો.
➡નરસિંહ મહેતા ઍવૉર્ડ (2005).
➡નરસિંહ મહેતા ઍવૉર્ડ પ્રથમ પુરસ્કાર 1999 માં રાજેન્દ્રશાહ ને આપવમાં આવ્યો હતો.
➡આ પુરસ્કાર “નરસિંહ મહેતા સાહિત્ય નિધિ ટ્રસ્ટ” દ્વારા આપવામાં આવે છે.
➡મુખ્ય રચનાઓ :
1. પવન રૂપેરી (1972)
2. ઊઘડતી દીવાલો (1974).
3. ધૂળમાંની પગલીઓ (1984).


ગુજરાત

મોઢેરા સૂર્યમંદિર ખાતે ઉત્તરાર્ધ મહોત્સવનો પ્રારંભ

➡આ મહોત્સવમાં વિભાવરીબહેન દવે તથા શ્રી જયશ્રીબહેન પટેલ ઉપસ્થિત રહેશે.
➡વિભાવરીબહેન દવે રાજ્ય કક્ષાના શિક્ષણમંત્રી તરીકેની ભૂમિકા ભજવે છે.
➡જયશ્રીબહેન પટેલ સાંસદ છે.
➡આ મહોત્સવમાં ભરતનાટ્યમ્, કથકલી, ઓડિસી નૃત્ય, કથક નૃત્ય, કુચીપુડી વગેરેની રજૂઆત કરવામાં આવશે.
➡ભરતનાટ્યમ તમિલનાડુ રાજ્યનું નૃત્ય છે.

2 ફેબ્રુઆરી,2019ના રોજ 'વિશ્વ જળપ્લાવિત ભૂમિ (વેટલેન્ડ) દિવસ'ની ઉજવણી કરવામાં આવી

➡જેનું થીમ: "જળપ્લાવિત ભૂમિ અને જલવાયુ પરિવર્તન" હતું.
➡જળપ્લાવિત ભૂમિ સમજૂતીને રામસર સમજૂતી પણ કહેવામાં આવે છે.
➡આ સમજૂતી 1971માં ઈરાનના રામસર શહેરમાં કરવામાં આવી હતી.
➡આ ઉજવણી વઢવાણના જળાશય ખાતે વિવિધ કાર્યક્રમ દ્વારા યોજાશે.
➡ગુજરાતનો દરિયાકાંઠો જળપ્લાવિતમાં 35 ટકા ભાગ ધરાવે છે.
➡આ કાર્યક્રમ અંતર્ગત વન સરક્ષણ કચેરી દ્વારા વઢવાણ ખાતેના વિદ્યાર્થીઓને ગાઇડેડ ટુર જેવી સ્પર્ધાનું આયોજન કરવામાં આવશે.

ભારત
ઋષિકુમાર શુક્લ CBIનાનવા નિયામક બનશે

➡જેઓ મધ્યપ્રદેશ કેડરના 1983ની બૅચના IPS અધિકારી છે.
➡જેઓ બે વર્ષ સુધી સંસ્થાના વડા તરીકેની ભૂમિકા ભજવશે.
➡આ પહેલાં મધ્યપ્રદેશ પોલીસના વડા તરીકે તેમણે કાર્યભાર સંભાળ્યો હતો.
➡CBI: Central Bureau of Investigation
➡ CBIની સ્થાપના :1941 સ્પેશિયલ પોલીસ તરીકે.
➡ CBIનો ઉદ્દેશ : ઉદ્યોગ, નિષ્પક્ષતા, અખંડિતતા.
➡ CBIનું મુખ્ય મથક નવી દિલ્હી ખાતે આવેલું છે.
➡IPS : Indian Police Service

સિંધુ નદીની ડોલ્ફિનને પંજાબ રાજ્યનું જળચર જીવ જાહેર કરવામાં આવ્યું

➡પંજાબ સરકાર દ્વારા 1 ફેબ્રુઆરી,2019થી આ જાહેર કરવામાં આવ્યું છે.
➡ડોલ્ફિન માછલીને બીજું "ભૂલન" તરીકે પણ ઓળખવામાં આવે છે.
➡સિંધુ નદીનાં તાજાં પાણીમાં જ ડોલ્ફિન જોવા મળે છે. આ ડોલ્ફિન આંધળી હોય છે.
➡પાકિસ્તાનમાંનીસિંધુ નદીમાં તેની સંખ્યા 1800 જેટલી જ છે.
➡વિશ્વમાં ડોલ્ફિનની સાત પ્રજાતિઓ અને ઉપજાતિઓ જોવા મળે છે.
➡આ ડોલ્ફિનનું વૈજ્ઞાનિક નામ પ્લૈટેનિસ્તા માઇનર છે.

વિશ્વ
સંજીવ રંજનને કોલંબિયામાં ભારતના રાજદૂત તરીકે નિયુક્ત કરવામાં આવ્યા છે

➡જેઓ 1993ની બૅચના IFS અધિકારી છે.
➡IFS : Indian Foreign Service
➡તેઓ હાલમાં આર્જેન્ટિનાના રાજદૂત તરીકે ભૂમિકા ભજવતા હતા.
➡કોલંબિયાની રાજધાની બોગોટા.
➡કોલંબિયાનું ચલણ પેસો છે.

ખેલજગત
સ્મૃતિ મંધાના ICC મહિલા વન–ડે રેન્કિંગમાં નંબર વન બની

➡ન્યૂઝિલેન્ડ સામે સારા પ્રદર્શનને લીધે વન-ડે રેન્કિંગમાં તે નંબર વન બની.
➡સ્મૃતિ મંધાનાએ એલિસે પેરી અને મેંગ લેનિંગ ને પાછળ છોડી છે.
➡ન્યૂઝિલેન્ડ કૅપ્ટન એમી સેથરવેટે દસમા સ્થાનેથી સલાગ કરી ચોથા સ્થાને પહોંચી.
➡જ્યારે મિતાલી રાજ એક સ્થાન પાછળ હતી તે પાંચમા સ્થાને પહોંચી છે.
➡બૉલિંગમાં પાકિસ્તાનની સના મીરે પ્રથમ સ્થાન લીધું છે.

Friday, 1 February 2019

કરંટ અફેર્સ તા. ૦૧/૦૨/૨૦૧૯ | સ્પર્ધાત્મક પરીક્ષા માટે વિશેષ | Daily Current Affairs For Competitive Exams



કરન્ટ અફેર્સ તા. ૧/૦૨/૨૦૧૯

દિન વિશેષ 

1 ફેબ્રુઆરી કવિ વેણીભાઈ પુરોહિતનો જન્મ દિવસ 

➡જન્મ :1 ફેબ્રુઆરી, 1916ના રોજ જામખંભાળિયામાં થયો હતો.
➡તેમણે ‘પ્રજાબંધુ’ અને ‘ગુજરાત સમાચાર’માં પત્રકાર તરીકે કામ કર્યું હતું.
➡તેમણે ‘અખાભગત’ના ઉપનામથી ‘જન્મભૂમિ’ માં કટાક્ષ-કટાર ચલાવી હતી.
➡ઉમાશંકર જોષી તેમને ‘બંદો બદામી’ કહેતા.
➡ગુજરાતી ચલચિત્ર 'કંકુ' નાં ગીતો તેમનાં લખેલાં છે.
➡ 'કંકુ' એ 1969માં નિર્મિત ગુજરાતી સામાજિક નાટ્યાત્મક ફિલ્મ છે. 
➡આ ફિલ્મને 17મા રાષ્ટ્રીય ફિલ્મ મહોત્સવમાં સર્વોત્તમ ગુજરાતી ફિલ્મનો ખિતાબ મળ્યો હતો.
➡આ ફિલ્મ પન્નાલાલ પટેલની જાણીતી નવલકથા 'કંકુ' પરથી બની હતી. 
➡તેની જાણીતી ગીતપંક્તિ : "તારી આંખનો અફીણી, તારા બોલનો બંધાણી..." 
➡અવસાન:3 જાન્યુઆરી, 1980 મુંબઈમાં.

1 ફેબ્રુઆરી કલ્પના ચાવલાનો નિર્વાણ દિવસ 

➡જન્મ :1 જુલાઈ, 1961,કરનાલ, હરિયાણામાં. 
➡તેઓએક ભારતીય-અમેરિકન અવકાશયાત્રી હતાં. 
➡પ્રથમ તેમણે 1997માં કોલમ્બિયા પર મિશન નિષ્ણાત અને પ્રાથમિક રોબોટિક આર્મ ઓપરેટર તરીકે ઉડાન ભરી. 
➡કલ્પના ચાવલા કોલંબિયા સ્પેસ શટલ દુર્ઘટનામાં માર્યા ગયેલા સાત સભ્યોમાંનાં એક હતાં.
➡1994માં નાસાએ કલ્પનાની અંતરીક્ષયાત્રી તરીકે પસંદગી કરી હતી. 
➡કલ્પના ચાવલા માર્ચ,1995માં નાસાના અવકાશયાત્રી કોર્પ્સ તરીકે જોડાયાં અને 1996માં પ્રથમ ઉડાન માટે પસંદ થયાં હતાં.
➡1લી ફેબ્રુઆરી, 2003ના રોજ ધરતીથી 63 કિલોમીટર દૂર પૃથ્વીના વાતાવરણમાં ફરી પ્રવેશ દરમ્યાન સ્પેસ શટલ કોલમ્બિયા તૂટી પડતાં કલ્પના ચાવલા અને બધા સાત યાનસભ્યોનું ટેક્સાસમાં મૃત્યુ નીપજ્યું હતું.

ભારત 

આજે આઝાદ ભારતનું 13મું વચગાળાનું બજેટ
➡ 1 ફેબ્રુઆરીએ એક્ટિંગ નાણામંત્રી પીયૂષ ગોહેલ રજૂ કરશે. 
➡આમ તો નાણાંમંત્રી અરુણ જેટલી છે પણ તેમની બીમારીને કારણે અત્યારે તેમનો ચાર્જ રેલવે મંત્રી પીયૂષ ગોહેલ સંભાળે છે.
➡વચગાળાનું બજેટ એટલે સરકાર કેટલાક મહિના માટે હિસાબ-કિતાબ રજૂ કરે તો તેને વચગાળાનું બજેટ કહેવામાં આવે છે. બીજા શબ્દોમાં કહીએ તો જે વર્ષમાં લોકસભાની સામાન્ય ચૂંટણી આવતી હોય તે વર્ષમાં વચગાળાનું બજેટ રજૂ કરવામાં આવે છે.
➡ બજેટને વોટ અને એકાઉન્ટ તરીકે પણ ઓળખવામાં આવે છે.
➡પૂર્ણ બજેટ આખા નાણાકીય વર્ષ માટે હોય છે જ્યારે વચગાળાનું બજેટ 3 અથવા 6 મહિના માટે પણ હોઈ શકે છે.
વિશ્વની સૌથી મોટી સાયકલોથોન દિલ્હીમાં સમાપ્ત થઈ
➡સાયકલોથોન એટલે સાઇકલ પર હરીફાઈ.
➡આ સાયકલોથોનનું નામ ‘સ્વસ્થ ભારતયાત્રા’ રાખવામાં આવ્યું હતું.
➡આ યાત્રા 16 ઑક્ટોબર,2018થી શરૂ થઈ અને 27 જાન્યુઆરી,2019ના રોજ પૂર્ણ થઈ છે.
➡આ યાત્રા 104 દિવસ ચાલી હતી.
રાજીવ ચોપડાને NCCના મહાનિર્દેશક તરીકે નિયુક્ત કરવામાં આવ્યા છે
➡NCC : National Cadet Corps
➡ NCCની સ્થાપના અંગેજોના સમયમાં, પરંતુતેકાર્યરત 16 એપ્રિલ, 1948થી થયેલ.
➡ NCCનો મુદ્રાલેખ(motto) : एकता और अनुशासन છે.
➡ NCCનું હેડક્વાર્ટર : દિલ્હી છે.
તાજેતરમાં NMIના નવા સંકુલનું ઉદ્ઘાટન કરવામાં આવ્યું
➡NMI : નૅશનલ મ્યૂઝિયમ ઇન્સ્ટિટ્યૂટ. 
➡જેનું ઉદ્ઘાટન નોઈડા, દિલ્હી ખાતે પ્રકાશ જાવડેકરે કર્યું હતું. આમ તો નોઈડાએ ઉત્તરપ્રદેશમાં આવે છે. 
➡પ્રકાશ જાવડેકર માનવ સંસાધન મંત્રી છે.
➡ NMIની સ્થાપના :27 જાન્યુઆરી,1989માં થઈ.

વિશ્વ 

યુનેસ્કો દ્વારા આવર્ત કોષ્ટકની150મી વર્ષગાંઠની ઉજવણી 
➡સંયુક્ત રાષ્ટ્રનું વૈજ્ઞાનિક અને સાંસ્કૃતિક સંગઠન યુનેસ્કો છે. 
➡ 19 જાન્યુઆરી,2019ના રોજ યુનેસ્કોએ આ દિવસને આંતરરાષ્ટ્રીય આવર્ત કોષ્ટક 2019 (International year of the periodic table) તરીકે જાહેર કર્યો છે.
➡સૌ પ્રથમ ડમિત્રી મેડલીફે પહેલીવાર 1869માં આવર્ત કોષ્ટક બનાવ્યું હતું.
➡મેડલીફના આવર્ત કોષ્ટકમાં 63 તત્ત્વ પરમાણુ દ્રવ્યના આધારે વર્ગીકૃત કરવામાં આવ્યાં હતાં.
➡છેલ્લે માર્ચ, 2015માં સંશોધનના આધારે ચાર નવાં તત્ત્વોનો ઉમેરો કરવામાં આવ્યો છે.
➡અત્યારે આધુનિક આવર્ત કોષ્ટકમાં કુલ 118 તત્ત્વો છે.
➡ 92 તત્ત્વો કુદરતમાંથી મળે છે; બાકીનાં તત્ત્વો પ્રયોગશાળામાં બનાવવામાં આવ્યાં છે.
➡આધુનિક આવર્ત કોષ્ટકમાં આડી હારોને આવર્ત અને ઉભા સ્તંભને સમૂહ કહે છે.
➡આધુનિક આવર્ત કોષ્ટકમાં 7 આવર્ત અને 18 સમૂહ છે. 
➡જેમાં 18મો સમૂહ નિષ્ક્રિય (ઉમદા) વાયુઓનો સમૂહ છે, જેને કારણે તેની છેલ્લી કક્ષા ઇલેક્ટ્રોનથી સંપૂર્ણ ભરાયેલી હોય છે.

ખેલજગત

ચોથી એક દિવસીય ક્રિકેટ મૅચમાં ભારતનો ન્યૂઝીલેન્ડ સામે પરાજય
➡જેમાં ભારત 92 રનમાં ઑલ આઉટ થઈ ગયું હતું.
➡આ સ્કોર ભારતનો 7મો સૌથી ઓછો વનડે સ્કોર છે.
➡સૌથી ઓછો સ્કોર 2000માં શ્રીલંકા સામે 54 રનનો હતો.
➡છેલ્લી મૅચ રવિવારે વેલિંગ્ટન ખાતે રમાશે.

Monday, 21 January 2019

કરંટ અફેર્સ તા. ૨૧/૦૧/૨૦૧૯ | સ્પર્ધાત્મક પરીક્ષા માટે વિશેષ | Daily Current Affairs For Competitive Exams



Daily Current Affairs For Competitive Exams In Gujarati

કરંટ અફેર્સ તા. ૨૧/૦૧/૨૦૧૯
દિન વિશેષ 

21 જાન્યુઆરી કવિ દલપતરામનો જન્મ દિવસ
➡જન્મ :21 જાન્યુઆરી, 1820 વઢવાણ, સુરેન્દ્રનગર જિલ્લો, ગુજરાત, ભારત.
➡તેમનું પૂરું નામ :કવિ દલપતરામ ડાહ્યાભાઈ તરવાડી છે.
➡ગુજરાતી સાહિત્યના પુનરોદ્ધારક કવિ દલપતરામનું નામ અગ્રગણ્યોમાં છે.
➡તેમની પ્રથમ કવિતા 'બાપાની પીંપર' (1845) હતી, જે અર્વાચીન ગુજરાતી સાહિત્યની પ્રથમ કાવ્યકૃતિ હતી.
➡તેઓ ગુજરાત વર્નાક્યુલર સોસાયટીમાં મંત્રી તરીકે રહ્યા હતા.
➡તેમણે 1855 –બુદ્ધિપ્રકાશ સામયિકનું સંપાદન કર્યું હતું.
➡ગુજરાતી ભાષાનું પ્રથમ કરુણાંત કાવ્ય “ફાર્બસ વિરહ” દલપતરામે લખ્યું છે.
➡અર્વાચીન ગુજરાતી ભાષાનું પ્રથમ દેશભક્તિ દાખવતું ગીત ‘હુન્નર ખાનની ચઢાઈ’ તેમના દ્વારા લખવામાં આવ્યું છે.
➡દલપતરામનું પ્રખ્યાત સાહિત્ય “હડુલા” સાહિત્ય છે જેનો અર્થ થાય છે પ્રાસવાળાં જોડકણાં.
➡દલપતરામને ‘રૂડી ગુજરાતી રાણીના વકીલ’ તરીકે ઓળખવામાં આવે છે.
➡અવસાન :25 માર્ચ, 1898 અમદાવાદમાં.

ગુજરાત
વાઇબ્રન્ટ સમિટનું સમાપન
➡તેમાં 135 દેશોએ ભાગ લીધો હતો, અને 15 હજાર કરોડનાં MOU થયાં હતાં.
➡જે ગાંધીનગર ખાતે ત્રણ દિવસ સુધી વાઈબ્રન્ટ ગુજરાત સમિટ યોજાય હતી.
➡આ વાઇબ્રન્‍ટ ગુજરાત ગ્‍લોબલ સમિટ-2019ની નવમી સમિટ હતી.
➡ 2019માં પહેલી વખત ગુજરાત સાથે 15 ભાગીદાર દેશો જોડાયેલા છે.
➡આ સમિટ દરમિયાન જુદા જુદા બાવીસ સેમિનાર અને છ સ્ટેટ સેમિનાર યોજાયા હતા.
➡આ સમિટમાં 135 દેશોના પ્રતિનિધિઓ ભાગ લીધો હતો.

રાષ્ટ્રીય
મુંબઈ ખાતે ઇન્ડિયા સ્ટીલ 2019 એક્સ્પોનું આયોજન કરવામાં આવશે
➡આ ચોથો ઇન્ડિયા સ્ટીલ એક્સ્પો છે.
➡જેનું આયોજન FICCI કરશે.
➡FICCI : Federation of Indian Chambers of Commerce and Industry
➡ FICCIની સ્થાપના : 1927.
➡ FICCIના સ્થાપક : ઘનશ્યામદાસ બિરલા.
➡ FICCIનું હેડ ક્વાર્ટર : નવી દિલ્હીમા છે.
➡ FICCIના હાલના પ્રેસિડેન્ટ : સંદિપ સોમની

આંતરરાષ્ટ્રીય
માનવ અધિકારો માટે દુનિયામાં પહેલી ટીવી ચેનલ લૉન્ચ કરવામાં આવી છે
➡આ ટીવી ચેનલ લંડનમાં લૉન્ચ કરવામાં આવી છે.
➡જે માનવ અધિકારો વિશે માહિતી આપશે તથા અધિકારોથી દર્શકોને માહિતગાર કરશે.
➡આચેનલ IOHRએ લોન્ચ કરી છે.
➡IOHR : ઇન્ટરનૅશનલ ઓબ્ઝર્વેટરી ઑફ હ્યુમન રાઇટ્સ.
➡જે યુરોપ અમેરિકા જેવા 20 દેશોમાં પ્રદર્શિત કરવામાં આવશે.
➡ 10 ડિસેમ્બરને માનવ અધિકાર દિવસ તરીકે ઊજવવામાં આવે છે.
પ્રવિન્દ કુમાર જુગનોથ એક સપ્તાહની ભારતની મુલાકાતે નવી દિલ્હી આવ્યા છે
➡તેઓ મોરેશિયસના પ્રધાનમંત્રી છે.
➡તેઓ ભારતીય મૂળના છે.
➡તેઓ પ્રવાસી ભારતીય દિવસમાં ભાગ લેવા વારાણસી જશે.
➡જેમાં નરેન્દ્ર મોદી સાથે મુલાકાત કર્યા બાદ ગંગાની આરતી ઉતારશે.
➡તેઓ વિદેશમંત્રી સુષ્મા સ્વરાજ તથા રાષ્ટ્રપતિ રામનાથ કોવિંદ વગેરેની મુલાકાત લેશે.
➡મોરેશિયસના પ્રધાનમંત્રી પ્રજાસત્તાક દિવસે મુંબઈમાં યોજાનારી પરેડમાં હાજર રહેશે.
➡મોરેશિયસની રાજધાની પોર્ટ લુઈસ છે.
➡અત્યારે પણ ઘણા લોકો ખાંડને ‘મોરસ’ કહે છે;પહેલાંના સમયમાં ખાંડ મોરેશિયસથી આવતી હતી તેથી તેને મોરસ કહે છે.

રમત-ગમત 
ખેલો ઇન્ડિયા યુવા રમતોત્સવમાં માનુષ શાહ અને ઈશાન હિંગોરાનીએ સુવર્ણચંદ્રક જીત્યો
➡આ બન્ને ખેલાડીઓ ગુજરાતના વતની છે.
➡ખેલો ઇન્ડિયા યુવા રમતોત્સવ પૂણે ખાતે યોજાયો હતો.
➡આ બન્ને ખેલાડીઓ ટેનિસની રમત સાથે જોડાયેલા છે.
➡માનુષ શાહે પશ્ચિમ બંગાળના અનિર્બનને છેલ્લા રાઉન્ડમાં હરાવ્યો હતો.
ખેલો ઇન્ડિયા ગેઇમ્સમાં મહારાષ્ટ્ર ચૅમ્પિયન રહ્યું
➡આ સ્પર્ધા પૂણે ખાતે યોજાઈ હતી.
➡જેમાં મહારાષ્ટ્ર કુલ 228 મેડલ સાથે પ્રથમ નંબર પર રહ્યું.
➡આ ગેઇમ્સમાં મહારાષ્ટ્રે 85 ગોલ્ડ અને 62 સિલ્વર મેડલ તથા81 બ્રોન્ઝ મેડલ સાથે 228 મેડલ જીત્યા છે.
➡હરિયાણા 62 ગોલ્ડ,56 સિલ્વર અને 60 બ્રોન્ઝ મળીને કુલ 178 મેડલ સાથે બીજા સ્થાને રહ્યું છે.
➡જ્યારે દિલ્હી 48 ગોલ્ડ,37 સિલ્વર તથા51 બ્રોન્ઝ મળીનેકુલ 136 મેડલ સાથે ત્રીજા સ્થાને રહ્યું છે.
➡ગુજરાત 15 ગોલ્ડ,9 સિલ્વર,15 બ્રોન્ઝમળીને કુલ 39 મેડલ સાથે આઠમા સ્થાને રહ્યું છે.
➡ગેઇમ્સના સમાપન સમયે કેન્દ્રીય માનવ સંસાધનમંત્રી પ્રકાશ જાવડેકર અને મહારાષ્ટ્રના રમતગમતમંત્રી વિનોદ તાવડે દ્વારા ખેલાડીઓને ટ્રોફી આપવામાં આવી હતી.
➡ 2018માં ખેલો ઇન્ડિયા ગેઇમ્સમાં હરિયાણા ચૅમ્પિયન હતું.
અંકિતા રૈનાએ સિંગાપુરમાં સિઝનનું પ્રથમ ટાઇટલ જીત્યું
➡તે ટેનિસ ખેલાડી છે.
➡જે સિંગાપુરમાં 25 હજાર ડૉલરની સ્પર્ધામાં પ્રથમ રહી.
➡જેણે નેધરલેન્ડની ખેલાડી આરાંત્ઝા રસને હરાવી હતી.
➡ગત વર્ષે પણ ગ્વાલિયર અને નોનથાબુરીમાં 25000 ડૉલર ઈનામવાળી ટ્રોફીતેણે જીતી હતી.

Sunday, 20 January 2019

કરન્ટ અફેર્સ તા. ૨૦/૦૧/૨૦૧૯ | સ્પર્ધાત્ક પરીક્ષા માટે વિશેષ



Daily Current Affairs For Competitive Exams

કરન્ટ અફેર્સ તા. ૨૦/૦૧/૨૦૧૯
દિન વિશેષ
20 જાન્યુઆરી ખાન અબ્દુલ ગફાર ખાનનો નિર્વાણ દિવસ
➡ જન્મ : 6 ફેબ્રુઆરી 1890ના રોજ પાકિસ્તાનમાં
➡ તેમને 'સરહદના ગાંધી' તરીકે પણ ઓળખાય છે.
➡ તેઓ ભારતીય ઉપખંડમાં બ્રિટિશ શાસન વિરુદ્ધ જદોજહેદમાં અહિંસાના પ્રયોગ માટે જાણીતા છે.
➡ તેઓ શાંતિવાદી અને ધર્મનિષ્ઠ મુસલમાન હતા.
➡ એક સમયે તેમનું સ્વપ્ન સંયુક્ત, સ્વતંત્ર અને ધર્મનિરપેક્ષ ભારત હતું,
➡ આ માટે તેમણે 1920માં 'ખુદાઈ ખિદમતગાર' નામે સંગઠનની સ્થાપના કરી હતી, આ સંગઠન લાલ કુડતી કે બાદશાહ નામોથી પણ ઓળખતું હતું.
➡ તેમને 1987માં ભારત રત્ન ઍવૉર્ડ આપવામાં આવેલ.
➡ અવસાન: 20 જાન્યુઆરી, 1988, પેશાવર, પાકિસ્તાનમાં થયું હતું.

ગુજરાત
PM શ્રી નરેન્દ્ર મોદીએ એલ એન્ડ ટી શસ્ત્ર પ્રણાલી ઉત્પાદન સંકુલને રાષ્ટ્રને સમર્પિત કર્યું
➡ આ શસ્ત્ર પ્રણાલી ઉત્પાદન સંકુલ ગુજરાતમાં હજીરા ખાતે આવેલ છે.
➡ આ સંકુલમાં K-9 વજ્ર ટેન્ક નામની 100 હોવીત્ઝર તોપોનું ઉત્પાદન કરશે.
➡ K-9 વજ્ર ટેન્ક 50 કિમી સુધીનું નિશાન બનાવી શકે છે, જેમાં 15 સેકન્ડમાં 3 ગોળા ફેંકી શકે છે.
➡ K-9 વજ્ર ટેન્કની ઓપરેશન રેન્જ 480 કિ.મી ની છે.
➡ અગાઉની બોફોર્સ ટેન્ક એક્શનમાં આવતા પહેલા પાછળ જતી હતી પણ k9 વજ્ર ટેન્ક ઓટોમેટીક છે.
➡ આ સંકુલનું નિર્માણ મેક ઈન ઈન્ડિયા કાર્યક્રમ અંતર્ગત કરાયું છે.
GCCI દ્વારા ગ્લોબલ કોન્કલેવ ઓફ ઇન્ટરનેશનલ ચેમ્બરનું આયોજન
➡ GCCI વૈશ્વિક ચેમ્બરનું ઇન્ડિયા ચેપ્ટર સ્થાપશે.
➡ GCCI : ગુજરાત ચૅમ્બર ઑફ કૉમર્સ એન્ડ ઇન્ડસ્ટ્રી ઇન્ડિયા
➡ ઉદ્યોગ સામેના પરકાર સમજવા તથા ઝડપથી વૃદ્ધિ કરવા માટે આ ચેમ્બરનું નિર્માણ કરવામાં આવ્યું છે.
➡ વાઇબ્રન્ટ ગુજરાત ગ્લોબલ સમિટના બીજા દિવસે જ ગ્લોબલ કોન્કલેવ ઓફ ઇન્ટરનેશનલ ચેમ્બરનું આયોજન થયું હતું.s
➡ આ આયોજનમાં 39 આંતરાષ્ટ્રીય ચેમ્બરના 120 પ્રતિનિધિઓ ભાગ લીધો હતો, જ્યારે 24 રાષ્ટ્રીય ચેમ્બરના 40 પ્રતિનિધિઓ હાજર રહ્યા હતા.
➡ જેમાં 27 ગ્લોબલ સાથે MOU કરાર થશે.
➡GCCIના પ્રમુખ જૈમિન વસા છે.

રાષ્ટ્રીય
આજે ડિફેન્સ ઇન્ડસ્ટ્રીયલ કોરિડોરનું ઉદ્ઘાટન
➡ ડિફેન્સ ઇન્ડસ્ટ્રીયલ કોરિડોર ઉદ્ઘાટન સંરક્ષણ મંત્રી નિર્મલા સીતારામણ તમિલનાડુ ખાતે કરશે.
➡ આ કાર્યક્રમ અંતર્ગત સરક્ષણ ક્ષેત્રના ત્રણ સમજૂતી કરાર પર હસ્તાક્ષર કરશે.
➡ ત્યારબાદ ત્રીચીથી વિડિયો કોન્ફરન્સ દ્વારા કોઈમ્બતૂર ખાતે ડિફેન્સ ઇનોવેશન હબનું ઉદ્ઘાટન કરશે.
➡ તમિલનાડુનો ડિફેન્સ ઇન્ડસ્ટ્રીયલ કોરિડોર એ અલીગઢ પછીનો દેશનો બીજો કોરિડોર બનશે.
અરુણાચલ પ્રદેશમાં ડીફો પુલનું ઉદ્ધાટન કરવામાં આવ્યું
➡ આ પુલ અરુણાચલ પ્રદેશની દિબાંગ ઘાટીમાં આવેલો છે
➡ જેનો ઉદ્ધાટન રક્ષા મંત્રી નિર્મલા સીતારમણે કર્યું છે.
➡ આ પુલ 426 મી. લાંબો છે.
➡ આ પુલ ચિપૂ નદી પર આવેલ હોવાથી તેને 'ચિપૂ પુલ' તરીકે પણ ઓળખવામાં આવે છે.


આંતરરાષ્ટ્રીય
7મી ASEAN-ભારત પર્યટન મંત્રીઓની બેઠક વિયતનામ ખાતે યોજાઇ હતી.
➡ આ બેઠકમાં ભારતમાંથી પર્યટન મંત્રી શ્રી કે.જે. આલફોન્સ ભાગ લીધો હતો.
➡ ASEAN : Association of Southeast Asian Nations.
➡ ASEANની સ્થાપના : 8 ઓગસ્ટ 1967માં.
➡ ASEANનું હેડ ક્વાર્ટર જકાર્તા માં છે, જકાર્તા ઇંડોનેશિયાની રાજધાની છે.
➡ ASEANમાં 10 દેશો નો સમાવેશ થાય છે.
➡ ASEANના સેક્રેટરી જનરલ લિમ જોક હોઇ છે.
સ્ટીફન લોફવેન સ્વીડનના પ્રધાનમંત્રી તરીકે ચૂંટાયા
➡ જેઓ સ્વીડન ના બીજીવાર પ્રધાનમંત્રી તરીકે ચૂંટાઈ આવ્યા છે.
➡ સ્વીડનની રાજધાની સ્ટોકહોમ છે.
➡ સ્વીડનનું ચલણ સ્વીડિશ ક્રોના છે.

રમત-ગમત 
સાઇના નેહવાલની કેરોલીના મરીન સામે સતત બીજી હાર થઈ
➡ સાઇના નેહવાલ બેડમિન્ટન રમત સાથે જોડાયેલા છે.
➡ આ હારથી સાઈના નેહવાલ મલેશિયા માસ્ટરની ફાઇનલ સ્પર્ધામાંથી બહાર થઇ ગઇ છે.
➡ વર્લ્ડ ચેમ્પિયન કેરોલીના મરીન સ્પેન દેશની બેડમિન્ટન ખેલાડી છે.

Friday, 18 January 2019

કરન્ટ અફેર્સ તા. ૧૯/૦૧/૨૦૧૯ | સ્પર્ધાત્મક પરીક્ષા માટે વિશેષ


કરન્ટ અફેર્સ તા. ૧૯/૦૧/૨૦૧૯દિન વિશેષ
19 જાન્યુઆરી જેમ્સ વૉટનો જન્મદિવસ
➡જન્મ: 19 જાન્યુઆરી,1736ના રોજ ગ્રીનોક, ઈંગ્લૅન્ડમાં.
➡તેઓ યાંત્રિક ઇજનેર અને રસાયણશાસ્ત્રી હતા.
➡જેમ્સ વૉટની યાદમાં પાવરનો એકમ 'વૉટ' આપવામાં આવ્યો છે.
➡જેમ્સ વૉટે વરાળયંત્ર ની શોધ કરી, જેના લીધે શરૂઆતમાં રેલગાડી અને આગબોટ ચાલતાં હતાં.
➡અવસાન :25 ઑગસ્ટ 1819 હેન્ડસવર્થ, બર્મિંગહામ, ઇંગ્લેંડ.

ગુજરાત
વાઇબ્રન્ટ ગુજરાત સમિટ-2019નું ઉદ્ઘાટન

➡આ સમિટ ગાંધીનગરના મહાત્મા મંદિર ખાતે યોજવામાં આવી રહ્યું છે.
➡આ નવમું વાઇબ્રન્ટ ગુજરાત સમિટ છે.
➡ 2003માં પ્રથમવાર વાઇબ્રન્ટ ગુજરાત સમિટ યોજાયું હતું.તે વખતે શ્રી નરેન્દ્ર મોદી ગુજરાતના મુખ્યમંત્રી હતા.
➡આ સમિટનું ઉદ્ઘાટન નરેન્દ્ર મોદી કર્યું છે.
➡આ સમીટમાં 15 દેશો પાર્ટનર કન્ટ્રી તરીકે જોડાયા છે જ્યારે 11 જેટલા દેશો વિશ્વના પાર્ટનર ઓર્ગેનાઇઝેશન તરીકે જોડાયા છે.
➡વિશ્વ બૅંકના ઈઝ ઑફ ડુઈંગ બિઝનેસના માપદંડમાં ભારત 65માં ક્રમે પહોંચ્યું છે.

રાષ્ટ્રીય
ઉત્તર પ્રદેશના મુગલસરાય તાલુકાનું નવું નામ 'દીન દયાલ ઉપાધ્યાય તાલુકો’ કરવામાં આવ્યું છે
➡આ તાલુકાનું નવું નામકરણ યોગી આદિત્યનાથે કર્યું છે.
➡યોગી આદિત્યનાથ ઉત્તર પ્રદેશ ના મુખ્યમંત્રી છે.
➡થોડા સમય પહેલાં મુગલસરાય જંક્શન નું નામ 'પંડિત દીનદયાલ ઉપાધ્યાય જંકશન' કરવામાં આવ્યું હતું.
➡આ રેલવે સ્ટેશન વિશ્વનું ચોથું સૌથી વ્યસ્ત રેલવે સ્ટેશન બન્યું.
➡આ રેલવે સ્ટેશન ઉત્તરપ્રદેશનું સૌથી મોટું અને જૂનું રેલવે સ્ટેશન છે.
➡યોગી સરકારે અલાહાબાદનું નામ પર પ્રયાગરાજ કર્યું હતું.અત્યારે પ્રયાગરાજમાં વિશ્વનો સૌથી મોટો મેળો કુંભ મેળો ભરાઈ રહ્યો છે.
ઇન્ડિયા રબર એક્સપો-2019નું ઉદ્ધાટન કરવામાં આવ્યું
➡વાણિજય અને ઉદ્યોગ મંત્રી સુરેશ પ્રભુ એ ઉદ્ઘાટન કર્યું.
➡ઇન્ડિયા રબર એક્સપો-2019 મુંબઈ ખાતે શરૂ થયું હતું.

સક્ષમ-2019 કાર્યક્રમને પેટ્રોલિયમ અને પ્રાકૃતિક ગૅસ મંત્રાલય દ્વારા લોન્ચ કરવામાં આવ્યો છે
➡સક્ષમનું પૂરું નામ 'સંરક્ષણ ક્ષમતા મહોત્સવ' છે.
➡જેનું ઉદ્ધાટન પેટ્રોલિયમ મંત્રી ધર્મેન્દ્ર પ્રધા ને કર્યું છે.

આંતરરાષ્ટ્રીય
ગ્લેન ક્લોઝને 14મા ઓસ્કર વાઇલ્ડ ઍવૉર્ડ માટે પસંદ કરવામાં આવ્યા છે
➡ગ્લેન ક્લોઝ 71 વર્ષીય અભિનેત્રી છે.
➡તેમની જાણીતી ફિલ્મ "ધ વાઇફ" છે.
➡આ ઓસ્કર વાઇલ્ડ ઍવૉર્ડ 14મો ઍવૉર્ડ છે,જે 21 ફેબ્રુઆરી,2019 રોજ યોજાશે.

રમત જગત
ખેલો ઇન્ડિયા યુથ ગેઇમ્સમાં દેવ જાવિયાએ ગોલ્ડ મેડલ જીત્યો
➡ખેલો ઇન્ડિયા યુથ ગેઇમ્સ પૂણેમાં રમાઈ રહી છે.
➡દેવ જાવિયા ટેનિસ રમત સાથે જોડાયેલા છે.
➡દેવ જાવિયાએ યુથ ગેઇમ્સમાં અંડર-17ની કેટેગરી માં ગોલ્ડ મેડલ જીત્યો છે.
➡દેવ જાવિયાએ ફાઇનલમાં મહારાષ્ટ્રના આર્યન ભાટિયા ને હરાવ્યા છે.
➡ખેલો ઇન્ડિયા યુથ ગેઇમ્સમાં મહારાષ્ટ્ર અત્યારે સૌથી વધારે મેડલ જીતી ટૉપ પર છે. જ્યારે ગુજરાત નવમા ક્રમ પર છે.
ભારતે ઓસ્ટ્રેલિયાની ધરતી પર વન-ડે સિરીઝ જીતી
➡ભારતે ઓસ્ટ્રેલિયા ની ધરતી પર પ્રથમવાર વન-ડે સિરીઝ જીતી લીધી છે.
➡જેમાં લેગ સ્પિનર યૂઝવેન્દ્રસિંહ ચહલે 42 રનમાં છ વિકેટ ઝડપી હતી.
➡આ મૅચમાં ઓસ્ટ્રેલિયાએ 230 રનનો ટાર્ગેટ આપ્યો હતો.
➡મહેન્દ્રસિંહ ધોનીને મેન ઑફ ધ સિરીઝ જાહેર કરાયો હતો.
➡જ્યારે ચહલને મેન ઑફ ધ મૅચ જાહેર કરાયો છે.

Wednesday, 18 April 2018

Meet With Mehul Soni


દોસ્તો ! તાજેતરમાં મેહુલભાઈ સોની દ્વારા એક નવી ઈન્ટરવ્યુની શ્રેણી શરૂ કરવામાં આવી છે.જેમાં પ્રથમ ઈન્ટરવ્યુ પણ મારો લેવામાં આવ્યો છે. Meet With Mehul Soni નો પ્રથમ ઈન્ટરવ્યુ અહીં રજુ કરું છું.

#MeetWithMehulSoni
Part - 1
#મિટવિથમેહુલસોની
ભાગ - 1

આજે રવિ ડાંગર આવું કોઈ બોલે ત્યાં જ બધા બોલી ઊઠે કે,'મોરબીવાળા ને!' નાની ઉંમરમાં મોટાં-મોટાં કામ કર્યા અને એટલે જ કહેવાય પણ છે કે,'નાની ઉંમરમાં મોટું નામ - રવિ ડાંગર'
એક રવિ રોજ સવારે આકાશે ઊગીને તેનાં પ્રકાશથી આપણને જગાડે છે જયારે બીજો રવિ મોરબીથી પોતાનાં અવાજથી સાહિત્યની અવનવી વાતોથી આપણને જગાડે છે.આવો ! આજે મોરબીનાં યુવાકવિ  રવિ ડાંગરની સાથે મુલાકાત કરીએ અને કેટલાંક રોચક પ્રશ્નો પૂછીએ અને તેનાં જવાબ મેળવીએ.

1. - મેહુલભાઈ સોની : તમે ગુડ મોર્નિંગ ગુજરાત વિથ રવિ ડાંગર આ લાખો લોકોના દિલ સુધી પહોચડાવાનો વિચાર કેવી રીતે સ્ફુર્યો?

જવાબ - રવિભાઈ ડાંગર :
નાનો હતો ત્યારથી બોલવાનો અનોખો શોખ.ટીવી અને રેડીયોનાં કાર્યક્રમમાં કોઈને બોલતા જોવ તો એમ થાય કે હું આનાથીય સારું બોલી શકું ! જિંદગીમાં કેટલાંય ટી.વી. અને રેડીયોનાં સ્ટુડીયોમાં નાનો હતો ત્યારે કોઈ કાર્યક્રમમાં કવિતા બોલવા કે ગમે તે વિષય પર કંઈક બોલવું છે તેવી અભ્યર્થનાં થકી જતો પરંતુ,સ્ટુડીયોનાં રિસેપ્શન પરથી કહી દેવામાં આવતું કે તમે કોઈને મળી ના શકો,સમય ન હોય.કેટલીય વાર તો આ વારે આવજો એવું કહે ને હું તેને કહ્યા પ્રમાણે જાવ તોય ધક્કા ખવડાવે.તે સમયે આર્થિક પરિસ્થિતિ નબળી પણ પપ્પા મને ક્યારેય એમ ન કહે કે તારે નથી જવાનું એ હંમેશા મદદ કરે.એક ટીવી ચેનલમાં તો કેમેરા સામે અનુભવ છે??? તું બોલી ના શકે આવું હું કંઈ બોલું એ પહેલાં જ કહી દિધું.પછી થયું કે રવિ છું ઊગીને જ રહીશ પછી શરૂઆત કરી,'ગુડ મોર્નિંગ ગુજરાત વિથ રવિ ડાંગર'ની અને આ વિચાર એટલે પણ આવ્યો કે સાહિત્ય લખાય છે પણ જોઈ એટલું વંચાતું નથી લોકો આપણાં સાહિત્યને માણતા થાય એવા આશયથી પણ આ કાર્યક્રમની રચના કરી.

2. - મેહુલભાઈ સોની : તમે નાની ઉમરમાં ઘણી સિદ્ધિ મેળવી છે, એક દિવસ તમે મહાન વ્યક્તિ હશો ત્યારે તમે તમારા ખાસ મિત્ર જે સામાન્ય હોય તો તેના પ્રત્યે કેવું વર્તન હશે?

જવાબ - રવિભાઈ ડાંગર :
દુનિયાની નજરમાં કદાચ મેં નાની ઉંમરમાં મોટી સિદ્ધિઓ હાંસલ કરી છે પણ મારા મતે તો મેં કંઈ હજુ કર્યું જ નથી.હું કોઈ મહાન માણસ બનું તો કદાચ સમય બદલાશે પણ હું એ જ રવિ ડાંગર રહીશ જે આજે છે એટલે લોકો પ્રત્યે મારો આદર,સાદાય અને સચ્ચાઈ તો એની એ જ રહેશે.

3. - મેહુલભાઈ સોની : પ્રેમ વિશે કંઈક કહેશો?

જવાબ - રવિભાઈ ડાંગર :
પ્રેમ વિશે એટલું જ કહીશ કે,'પ્રેમ એટલે સ્વયં પરમેશ્વર.જેને અડી ન શકાય પણ અનુભવી શકાય.બીજું પ્રેમ એટલે શાહી વિનાની પેનથી લખાયેલ એક પત્ર પરની વાત.'

4. - મેહુલભાઈ સોની : શું નસીબ-કિસ્મત જેવું કઈ હોય તમારું શું માનવું છે?

જવાબ - રવિભાઈ ડાંગર :
હા,નસીબ અને કિસ્મત જેવું હોય છે.કારણ કે ઘણીવાર મહેનત કરતાંય જે નથી મળતું તે વગર મહેનતે પણ તમને મળતું હોય છે જેની તમે ક્યારેય કલ્પના પણ નથી કરી હોતી.

5. - મેહુલભાઈ સોની : તમને મોટા થઈને શું બનવું વધું પસંદ કરો?

જવાબ - રવિભાઈ ડાંગર :
મોટા થઈને એક સારો કવિ,એન્કર,RJ,એક્ટર આ બધું બનવાનું પસંદ કરું પણ આ બધાની પહેલાં એક સારો અને સાચો માણસ બનવાનું પસંદ કરું.

6. - મેહુલભાઈ સોની : તમે ગઝલ-કવિતા વગેરે લખો છો તેમાં પણ તમારા દિલની વાતો વણી લ્યો છો?

જવાબ - રવિભાઈ ડાંગર :
હું ગઝલ-કવિતા ક્યારેય લખતો નથી પણ લખાય જાય છે.દિલની વાત જે બોલીને કદાચ ન કરી શકાય કે રજુ ન કરી શકાય તેને હું ગઝલ કે ગીતોમાં પણ વણી લેતો હોવ છું.

7.- મેહુલભાઈ સોની : નવોદિત લેખક-કવિ અને ખાસ તો એન્કર તરીકે તમે ઉપસી આવ્યા છો તો તેનો શ્રેય કોને આપો?

જવાબ - રવિભાઈ ડાંગર :
હું સફળ થઈ રહ્યો છું તેની પાછળ કેટલાય લોકોનો સહયોગ છે.જેમકે મારા મમ્મી-પપ્પા,બહેન,પરિવારજનો,શિક્ષકો,વડીલો અને મને અનહદ વ્હાલ કરતાં અનેક ગુજરાતીઓ એટલે કે આ જે સફળતા છે તે મારા એકલાની સફળતા નથી પણ મને વ્હાલ કરતાં દરેક લોકોની સફળતા છે.

8. - મેહુલભાઈ સોની : તમારા પરિવારમાંથી સાહિત્ય પ્રેમી કોઈ હતું કે તમે જ પહેલા છો?

જવાબ - રવિભાઈ ડાંગર :
પપ્પા તબલા વગાડે એટલે ભજનમાં તબલાં વગાડવાં જાય.મમ્મીને વાંચવાનો શોખ અને બહેન પણ કહેતી હોય કે મને હંમેશા એવું થાય કે કોઈ કવિને મળું પણ ઘરમાં જ ભાઈ કવિ હોય તેની તેને કલ્પના પણ નહોતી કરી.મૂળ આમ ઘરમાં મમ્મી અને બહેનને સાહિત્ય વાંચવું ગમે પણ કોઈ કંઈ લખતું નહોતું એટલે એવું કહી શકાય કે આ રીતે કોઈ લખતું હોય તો તે હું અમારા પરિવારમાંથી પહેલો છું.

9. મેહુલભાઈ સોની : તમે મેરેજ ક્યારે કરશો??

જવાબ - રવિભાઈ ડાંગર :
હું મોટો થાવ ને લગ્ન કરવાની ઉંમર થાય ત્યારે...

10. મેહુલભાઈ સોની : તમે તમારા પ્રિય લોકોને તમે કોઈ સંદેશો આપશો?

જવાબ - રવિભાઈ ડાંગર :
હા,એટલું કહીશ કે જીવનમાં દરેક સમયે ભગવાન શ્રીકૃષ્ણ એ ગીતાજીમાં કહેલી વાત યાદ રાખવાની કે,'જે થયું તે સારું થયું,જે થઈ રહ્યું છે તે સારું થઈ રહ્યું છે અને જે થશે તે પણ સારું જ થશે 'બસ જીવનમાં એક સાચા અને સારા માણસ બનજો તે પણ સૌથી મોટી સફળતા જ છે.


આપે આ ઈન્ટરવ્યુ પરથી રવિભાઈ ડાંગરનાં જીવનની એવી કેટલીય વાતો જાણી હશે જે તમને ખબર નહીં હોય.આપને આ ઈન્ટરવ્યુ કેવું લાગ્યું તે કોમેન્ટ કરીને જરૂર જણાવજો.ફરી મળીશ આવતાં રવિવારે સાંજે એક ગુજરાતનાં આદર્શ વ્યક્તિ સાથે #MeetWithMehulSoni માં...

આભાર...
- મેહુલ સોની

Wednesday, 22 November 2017

ગુડ મોર્નિંગ ગુજરાત વિથ રવિ ડાંગર


Are You Ready??? 😎
દોસ્તો ! તમે પણ તૈયાર છો ને??? મને સાંભળવા !
આવી રહ્યો છું મોજીલાં શહેર મોરબીથી હું રવિ ડાંગર આપની સવારને 'શુભ સવાર' બનાવવા.ગુજરાતી ગઝલો,ગીતો,વાર્તાઓ અને અનેક વિશેષ એપિસોડ સાથે. આપ પણ આપના વોટ્સએપ પર દરરોજ સવારે મને સાંભળી શકો છો તે માટે વોટ્સએપ નંબર 8140411557 પર પોતાનું નામ અને શહેર લખીને મોકલો.

Monday, 20 November 2017

મળવા જેવા માણસ : રવિ જગદીશભાઈ ડાંગર

જીવનમાં 'રવિ' બનવું સહેલું નથી ! ખુદને સાબિત કરવા સંઘર્ષ કરવો પડે તે વાત તો બરાબર છે.પરંતુ, રવિને ઉગવા આકાશ પણ જોઈએ.આવું આકાશ આપે છે અર્જુનભાઈ ડાંગર,શૈલેષભાઈ પંડ્યા અને તેનાં જેવા દરેક ગુજરાતી.

ફેસબુક પર જે તે ક્ષેત્રે વિશેષ ઉપલબ્ધિ હાંસલ કરનાર વ્યક્તિને બિરદાવવાનું અનોખું કામ કરી રહ્યા છે -રાજકોટમાં રહેતા અર્જુનભાઈ ડાંગર અને શૈલેષ ભાઈ પંડ્યા.દોસ્તો ! અત્યાર સુધીમાં અનેક હસ્તીઓને પોતાની આ શ્રેણીમાં સ્થાન આપી ચુક્યા છે.ખાસ કરીને કોઈ માણસની કદર કરીએ ત્યારે તે માણસને સૌથી મોટો એવોર્ડ મળ્યાનો અહેસાસ થતો હોય છે.કોઈ માણસ પૈસાનો નહીં પણ બધાનાં પ્રેમનો ભૂખ્યો હોય છે.અર્જુનભાઈ અને શૈલેષભાઈ એ મને જણાવ્યું કે અમે જેટલા લોકોનો #મળવાજેવામાણસ માં સમાવેશ કર્યો છે તેમાં આપ સૌથી નાના છો ! ઉંમરમાં હું હજુ 18 વર્ષનો જ છું.દોસ્તો ! આપનું આ વ્હાલ અને આશીર્વાદ મળે છે તેનો આનંદ છે.

ખાસ કરીને અર્જુનભાઈ તથા શૈલેષભાઈ બંન્ને ખુબ ખુબ અભિનંદન કે તેઓ આ ભગીરથ કામ કરી રહ્યા છે.કદાચ આપનો આભાર માનવા બેસું તો આ શબ્દોય ટૂંકા પડે !

#મળવાજેવામાણસ માં અર્જુનભાઈ ડાંગર અને શૈલેષભાઈ પંડ્યા બીજા લોકોની સાથે આપણને રૂબરૂ કરાવે છે પણ સાચું કહું તો આ બંન્ને ખરા અર્થમાં મળવા જેવા માણસ છે.

અર્જુનભાઈ એ પોતાની વૉલ પર કરેલી પોસ્ટ અને તે મુલાકાત અહીં પોસ્ટ કરું છું :

#મળવાજેવામાણસ...

રવિભાઇ જગદિશભાઈ ડાંગર...મૂળ ભણસાલ બેરાજા (જામનગર) અને હાલ મોરબી રહેતા Ravi Dangar ને મળવાનું થયું...હું અને મારા મિત્ર Shailesh Pandya એ રવી ને મળવાનું નક્કી કર્યું રવી હાલ ધમસાણીયા કોલેજ માં એસ.વાય.બી.કોમ.કરે છે અમે ફોન કરીને મળવાની ઈચ્છા વ્યક્ત કરી તો તુરંત ઉમળકાભેર મળવા આવી પહોંચ્યો ...
નાનપણથી જ કવિતા લખવાનો અને રજૂ કરવાનો શોખ પણ ઉમર ખૂબ નાની હોવાથી સામે વાળા માણસ આ નન્હા સા કલાકાર ને મંચ આપતા હીચકીચાટ અનુભવતા , પણ આપણા આ રવિભાઈ ની કલા એટલી પાંગળી નહોતી કે મંચ વગર મુરજાઈ જાય ..!!! નાનકડાં આ કલાકારે પોતાની કલા ને પોતાની રીતે રજૂ કરવાનો નિર્ણય લીધો...અને આશરો લિધો સોશિયલ મીડિયાનો , "ગુડ મોર્નિંગ ગુજરાત વિથ રવી ડાંગર"  ના નામથી વોટ્સએપ ગ્રુપો બનાવી ને લોકોને જોડતા ગયા અને આજે માત્ર ગુજરાત જ નહીં દેશ વિદેશમાં લગભગ પચાસ હજાર (Listener) સાંભળનારા છે.."ગુડ મોર્નિંગ ગુજરાત વિથ રવિ ડાંગર" માં તેઓ પ્રસિદ્ધ કવિઓ ની રચનાઓ રજુ કરે છે જેમાં મોરબીના કવિશ્રી કાયમ હજારી સાહેબ , ડો.ભાવેશભાઈ જેતપરિયા ,કિરીટભાઈ ગૌસ્વામી , અશ્વિનભાઈ બરાસરા , ગઝલ સિંગર મકબુલ વાલેરા જેવી હસ્તીઓ ને સ્થાન આપી ચુક્યા છે તદુપરાંત સમાજ માટે કંઈક કરી છૂટ્યા હોય તેવા લોકોને મળી ને તેમની કામગીરી ને પણ આ પ્રોગ્રામ ના માધ્યમ થી બિરદાવે છે ..રવિ દ્વારા વોટ્સએપ માં મૂકવામાં આવતા ઓડીઓ-વિડિઓ કલીપ હાલ ઘણી સ્કૂલોના પ્રાર્થના ખંડ માં પણ સ્થાન મેળવી ચુકી  છે ..નિષ્ફળતા ના પથ્થર ને પગથીયું બનાવીને આગળ વધવાની નેમ ધરાવનાર આ કલાકાર અત્યાર સુધીમાં સાઈઠ જેટલી સ્પર્ધામાં વિજેતા થયેલ છે  જેમાં નિબંધ સ્પર્ધા , ગઝલ લેખન ,વકતૃત્વ સ્પર્ધા , ગણિત-વિજ્ઞાન પ્રદર્શન , સુ-લેખન સ્પર્ધા ,નાટય અને એકપાત્ર અભિનય અને હાલમાં જ સૌરાષ્ટ્ર યુનિવર્સીટી ના યુથ ફેસ્ટિવલ 2017 માં ગઝલ લેખન અને ડિબેટમાં પ્રથમ તથા પાદ પૂર્તિ સ્પર્ધા માં તૃતિય સ્થાન મેળવી ને હેટ્રિક મારી હતી...તે સિવાય મુખ્યમંત્રી શ્રી વિજયભાઈ રૂપાણી ના હસ્તે રાજ્યના યુવા પ્રતિભા નો એવોર્ડ પણ મળેલ છે , નાની ઉમર માં એક પાકટ કવી ને છાજે એવું વ્યક્તિત્વ નિખારવા બાબતે પૂછ્યું તો તેને મરક મરક હસીને જવાબ આપ્યો કે મહત્વ ગુજરેલા વર્ષો ની સંખ્યાનું નથી , મહત્વ તો જૉમ અને જુસ્સા નું છે , આમ જૉમ અને જુસ્સા થી છલકાતા સૌના લાડકા રવિ ડાંગર ને છેલ્લે છેલ્લે સાયરના અંદાજ માં બે લાઇન બોલવા કહ્યું તો તેણે કહ્યું :-

"અપને દમ પર હમ અપની પ્રતિભા દિખા દેગે ,
ભલે કોઈ ના દે મંચ હમકો,હમ આપના મંચ ખુદ બનલેંગે."

બાલ્યવસ્થા એ હજુ પૂર્ણપણે વિદાય લીધી નથી અને જુવાનીનું જોશ ઉછાળા મારી મારી ને આકાશ ને આંબવા પાંખો વીંજતું હોય એવું રવીને મળી ને મને લાગ્યું ...ઉમર માં ખૂબ નાનો છે એટલે માત્ર રવી કહેવાની છૂટ મેં મારી જાતે જ મેળવી લીધી છે ...ખૂબ જ પ્રગતિ કરે અને દેશ દુનિયામાં નામના મેળવે એવી શુભેચ્છાઓ સાથે ...
રવિભાઈ ને મુલાકાતના સ્મરણ રૂપે મિત્ર Shaileshbhai Pandya એ #મોગરાનીમહેક પુસ્તક ભેટ આપ્યું...

મારી જમણી બાજુએ શૈલેષભાઈ પંડ્યા અને અર્જુનભાઈ ડાંગર

શૈલેષભાઈ પંડ્યા દ્વારા 'મોગરાની મહેક' પુસ્તક ભેટ આપવામાં આવ્યું.

Tuesday, 5 September 2017

Happy Teachers Days


Happy Teachers Day...📚
સ્કૂલમાં શિક્ષક દિવસની દર વર્ષે ઊજવણી અનોખી રીતે કરવામાં આવતી.એક દિવસ શિક્ષક બનીને આપણાં જ ક્લાસનાં ક્લાસમેટને ભણાવવાની ખુબ મજા આવતી.જ્યારથી આવી રીતે ઊજવણી કરવામાં આવતી ત્યારથી હું શિક્ષક બનતો અને સૌથી શ્રેષ્ઠ ભણાવવા બદલ એવોર્ડ પણ મળતો.આ બધી ક્ષણો મારા જીવનની ધન્ય ક્ષણો હતી તેવું કહી શકાય.નાનપણમાં શિક્ષક બનેલો તે 9માં ધોરણની આ તસ્વીર ફરી એ સ્મરણો તાજાં કરાવે છે.

Monday, 4 September 2017

શેર : કવિ રવિ ડાંગર (મોરબી)


દોસ્ત ક્યારેય અમીર કે ગરીબ હોતા જ નથી ! બસ દોસ્ત એ દોસ્ત હોય છે.પોતાનો દોસ્ત કુટેવોનો ભોગ બનતો હોય તો તેને અટકાવવો એ એક દોસ્તની જ ફરજ છે.દોસ્તનાં ભલે લોકો દિવસો ઊજવે પણ મારા વાલા ! દોસ્તનાં દિવસ નહી પણ દાયકાઓ હોય છે.દોસ્તનાં સંબંધ માત્ર હાથથી નહી પણ પુરા હ્રદયથી જોડાયેલા હોય છે.દોસ્તને ભેટવાની પણ એક મજા હોય છે જે દિલથી ખુશ કરી જાય છે.
     - રવિ ડાંગર (મોરબી)

શેર : રવિ ડાંગર (મોરબી)


આપણી અપેક્ષાઓ અમુક લોકો પાસે ઘણી બધી હોય છે.પરંતુ, તે અપેક્ષાઓ સાર્થક પુરવાર થાય તેવું ભાગ્યે જ બનતું હોય છે.ક્યારેક એવું પણ બને કે આપણી મદદ માટે જરૂર હોય ત્યારે કોઈ ન પણ આવે અને એ આવશે....આવશે....તેવી અપેક્ષાઓ રાખીને રાહ જોયા કરીએ.માણસ પૈસાદાર હોય કે ના હોય પરંતુ, તે પ્રેમદાર ચોક્કસ હોવો જ જોઈએ.
 - રવિ ડાંગર  (મોરબી)

Thursday, 24 August 2017

नमस्ते इंडिया विद रवि डांगर


दोस्तो ! कल से  आप मेरा नया प्रोग्राम 'नमस्ते इंडिया विद रवि डांगर' अपने मोबाईल पर सुन शकेंगे कि जिसमें मेरी आवाज़ में हिन्दी कविता,गजल,कहानी और काफी जानने जैसी बाते में करुंगा। हम जब कोई नये कार्य की शुरूआत करते हैं तो गणपति बप्पा को याद करते हैं और उनकी पूजा करते हैं।गणेश चतुर्थी के पावन अवसर पर मुझे यह कार्यक्रम शुरू करने का सौभाग्य प्राप्त हुआ इससे में बहुत खुश हूँ।

'गुड मॉर्निंग गुजरात विद रवि डांगर' की सफलता के बाद आप तक अब 'नमस्ते इंडिया विद रवि डांगर' के द्वारा हिन्दी साहित्य को भी आप तक पहुंचाने की मुहीम जरूर सफल होंगी ऐसा मुझे विश्वास हैं।

आप भी 'नमस्ते इंडिया विद रवि डांगर' अपने वोट्सएप पर सुन सकते हैं इसके लिए वोट्सएप नंबर  8140411557  पर "नमस्ते इंडिया,आपका नाम,शहर का नाम ओर राज्य का नाम लिखकर  मेसेज भेज दिजीए।"

आप सबको गणेश चतुर्थी की दिल से ढेर सारी शुभकामनाएँ ।

गणपति बप्पा मोरिया।
- रवि डांगर  (मोरबी,गुजरात)

Friday, 16 September 2016

Ravi Dangar Meet To CM Vijay Rupani At Yuva Sammelan Morbi

આ વર્ષ સ્વાતંત્ર્ય દિવસની રાજ્યકક્ષાની ઉજવણી મોરબી ખાતે કરવામાં આવી હતી.જે અંતર્ગત તારીખ 14 ઓગસ્ટ,2016 નાં રોજ 'યુવા સંમેલન'નું આયોજન કરવામાં આવ્યું હતું.આ કાર્યક્રમમાં શ્રેષ્ઠ યુવાપ્રતિભા તરીકે કવિરવિ ડાંગરનું સન્માન માનનીય મુખ્યમંત્રીશ્રી વિજયભાઈ રૂપાણી તથા તેમનાં મંત્રીમંડળ દ્વારા કરવામાં આવ્યું હતું.ઉલ્લેખનીય છે કે રવિ ડાંગર યુવાકવિ,લેખક,એન્કર અને એક્ટર તરીકે જાણીતા છે.